السلام عليكم
كيفكم ياحلووووين
اليوم رجعتلكم بعد غياب طويل
وان شاءالله ماراح انقطع مره ثانيه..
اليوم التدوينه عن مفضلات شهر اكتوبر..
اولا..راح اتكلم عن ال bb cream من غارنيه:
طبعا نزل نوعين من غارنيه نوع للبشره الجافه
ونسبة الحمايه فيه spf 15
النوع الثاني الي هو الجديد مخصص للبشره الدهنيه
والمختلطه ونسبة الحمايه فيه spf20
والثاني هو الي راح اتكلم عنه لأن بشرتي مختلطه
طبعا هو يجي بدرجتين :
ميديم medium
لايت light
طيب نجي للمميزات
يزيل اللمعان
يقلل المسام والشوائب
يوحد اللون ويعزز الإشراقه الصحيه
يحمي من اشعة الشمس
الي لاحظته انه يخلي البشره ملساء وفيها نظاره
ويعطي منظر طبيعي للبشره
تغطيته متوسطه
وانا اخذت الدرجتين لان مافي تجربه
فقلت اخذهم وادمج لين احصل الدرجه الي ابيها
لو ماناسبو درجتي
لكن لقيت اللايت هو الي ناسبني
على اني اول ماحطيته كن فاتح
بس بعد مادمجته عالبشره سبحان الله غمق شوي
انا درجتي في ماك nc20
بس صدقوني في عالم المكياج لازم الابتكار
ولازم الخلط او الدمج لين تحصلي الي تبينه
حتى بالارواج بالكريمات اي شي ادمجي لين
تحصلين اللون الي تبينه
المهم
انصح الي بشرتهم مختلطه او دهنيه يجربونه
لانه روعه وخصوصا لبنات الجامعه
عن جد حبيته مرررررره
السعر 28ريال
.................
ثانيا..بودرة او اضائة
Soft and Gentle mac
سوفت اند جنتل من ماك
بودره مضغوطه مينيرال
ايش يعني مينيرال
يعني معدني
يعني يكون فيه لمعه معدنيه مو قليتر
السوفت اند جنتل الي يميزها لمعتها بدون لون
يعني تحسونها شفافه غير بعض الاضائات
تجيك فيها لون ذهبي او فضي
لا هذي غير تعطي منظر زجاجي للشره
ولاكنك حاطه شي علا وجهك
عن جد حبيتها كثير وتستاهل
السعر 155 ريال
مكان الشراء
ماك الرياض جاليري
..........................
ثالثا.. ارواج المات من nyx
nyx soft matte lip cream
من الارواج ال اذهلتني
هي تجي مثل القلوس بس اذاحطيتها عالشفايف تتحول لمات
بس من جد الوانها خورافه
وماتسبب جفاف للشفايف
اخذت درجتين منهم :
addis ababa07
monte carlo 10
السعر 39 ريال
مكان الشراء سنتر بوينت
سواتش للارواج والسوفت جنتل
..........................
واخيرا معطر الجسم من فكتوريا سيكرت
اسمه انجل angel >victorias secret
وفي نوعين من انجل
في اجل الوردي وانجل قولد
وكلهم روايحهم خورافه
الانجل الذهبي كان هو سبب تسمية المدونه انجل قولد
لاني اعشقه حيل
والي بتكلم عنه اليوم انجل الوردي
هو اسمه angel فقط ولونه وردي
طيب ايش مكونات هالعطر
من البرقوق والفنبر وزهرة البنفسج
نوعه فاكهي زهري
الي يشمه يحس ريحته فانيليا ناعمه
من العطور المثيره الي تحسسك انك
انسانه ناعمه
انا ماجبت العطر جبت
مجموعه عباره
عن بودي لوشن
شاور جل
ومعطر الجسم
كانو في حقيبه فضيه
سعرها كان ب180
واخذتها وقت التخفيض ب90
طبعا ممكن تشترونه لحاله
وممكن تشترون العطر بكيفكم
بس مايتفوت
مكان الشراء
دبنهامز _صحارى مول
وانتهت التدوينه
واتمنى تعجبكم مفضلاتي مثل ماعجبتني
اي سؤال لاتترددون
bye
ليست هناك تعليقات:
إرسال تعليق