4 : منتجات مكياج اعشقها ..

اليوم حبيت اقولكم عن منتجات مكياج اعشقها
حبيتها مره وكانت من الأختيارات الموفقه
بالنسبه لي



........................................

من اليمين


mary-lou
اضائة ماري لو
كانت طلبيه ولله الحمد
تووفقت فيها وكانت جميله جدا

 

الي بعده روج ريبل من ماك

mac rebel

كان لونه خورافي
والحلو فيه انه يعطيك درجتين
لو خففتيه يعطيك لون ولو ثقلتيه يعطيك لون ثاني حبيته من قلب


سواتش له

الي بعده مناكير من برجوا
Bourjois 1 Seconde nail polish



لونه يسطل بس يناسب البيض مايناسب السمر
اللون واضح مره وثابت وقلوسي

رقمه12

 

وأخيرا مسكرا من لانكوم
هبينوس دراما
جميله تطول وتكثف وسوادها حلو
سعرها ب190 ريال

طبعا الشكل هذا كان ليمتد لكن هي نفسها دراما القديمه

نفس النتيجه بس الشكل هو الي غير

فالي تبي تجيبها هذا شكلها

 

 

 

واتمنى تكونو استمتعتو بهالتدوينه الخفيفه

واتمنى تشاركوني بأرائكم .

 

The face shop

تدوينه خفيفه وسريعه
وهي منتجات شريتها من ذا فيس شوب

 

 

 

كانت زيارتي الأولى فما اشتريت اشياء كثيره

هي تعتبر زيارة تعارف ههههه

 

نبدء من اليسار

 

 

 

من اليمين رغوه مطهره للبشره  بالخوخ تنقي المسام

طريقة استخدامها على يد جافه نفرك الكريم
وبعدين ندلك فيه البشره

تجربتي انا بشرتي مختلطه وحساسه
بعد الرغوه زادت الحبوب واتوقع من التدليك
بس حسيته ينظف صراحه ومنعش

السعر  25 ريال


الي بعده ماسك للرؤؤس السوداء
جميل يابنات من جد
انا شفت بنت بالتويتر قالت عنه
الله يجزاها خير صراحه
نتيجته خيال

انصحكم تجربونه والي تجربه اتمنى تقولي
سعره ب35 ريال

 

هنا ثلاث ماسكات

اول واحد بالرز
وظيفته ينقي البشره ويشدها
وبصراحه ماجربته للحين

سعره ب12 ريال

الي بعده ماسك اللؤلؤ
لنظارة وتفتيح البشره الفوري
جربته
واعطاني لمعه لبشرتي ونعومه
ومره بررد وجهي وحسيت باانتعاش
سعره ب12 ريال

الي بعده كمان لسه ماجربته
وظيفته ينقي المسام وينظف البشره
سعره ب20 ريال

وبس كانت هذي اول زياره لي وكان المحل فاضي صراحه
بعد مدح اسأل مجرب اكيد فضى  ههههههه
 

تقييم ألة ايما جين من امجوي*_^

تدوينتي اليوم هي تقييمي لألة ايما جين
طبعا انا شفت وحده مدحتها في منتدى
وبعد كذا كثرت التسؤلات عليها
ومافي احد تجرأ يشترريها لأن سعرها
غالي ومجازفه ان الواحد يدفع مبلغ كبير على اله

هي تجي بحقيبه انيقه

اللون يسطل صح هههههههههههههههه


المهم علينا من الجوده

مكونات الحقيبه

 

من اليمين الآله الأساسيه معها راس النتف

وبعدين الة الشنب وبعده راس الحلق يتركب عالاله الاساسيه
وسلك وهذا عيب فيها كنت حابه تكون بالشحن لأني اخاف يكون السلك مشبوك
وانا اشتغل بالاله على جلدي اخاف اتكهرب خخخخخخ
ومعها فرشه صغيره لتنظيف والاسفنجه الدائريه

مكتوب ان فيها تقنية سيلفر اون
تمنع وتقتل الباكتيريا والميكروبات

وانها اسرع اله عاالأطلاق
وفيها 72 قرص
انا شاريتها قبل 6 شهور تقريبا
طبعا اول شي االة الشنب طلعت ماتشتغل وهذا اول شي نكد علي
اول ماشريتها وبدأت احط في بالي
ان امجوي منتجاتها خربوطيه

نجي للآله الأساسيه

 

من اليمين الآله الي يتركب عليها الراس
والي بعدها راس النتف
وبعدها راس الحلق
راس الحق طلع خربوطي صراحه استعملته مره وحده
وماشفت منه فايده
راس النتف اول ماجربتها قلت  واو
من جد عطتني مثل نتيجة الحلاوه وكان الألم خفيف
قلت بس يابنت مو خساره فيها الفلوس
لأني توقعت انها بتعطيني نفس النتيجه
كل مره استعملها
بعد الشهر الرابع وتقريبا اشيل مرتين بالشهر
لاحظت ان جودة الآله بدت تقل
انا استعملها للرجلين واليدين فقط
لأني خايفه من الترهل الي تسببهالحلاوه
المهم اني بعد اربع شهور انصدمت
بدت الآله تبقي شعر وبدت تطلع نقط تحت الجلد
وهذي المشكله ماكنت اعاني منها ابد
وكانت النتيجه سيئه صراحه
وتضايقت بالحيل
لأن المبلغ الي دفعته مو هين
كنت شاريه اله ب95 ريال
نتيجها جميله
صحيح مو مثل الحلاوه بس على سعرها مرضيه
حبيت اكتب التجربه واخذت فتره كافيه عشان اعطي رأي صحيح
وافيدكم
طبعا مكان شراء الأله اكسترا
السعر 525 ريال
وانا الأن قررت اتجه لليزر لرجولي ويدي والشنب برغم انه خفيف الشعر
بس انا عندي خوف من الترهل
والحلاوه اكبر سبب في ترهل الجلد
وبس اتمنى اكون افدتكم

♥♥مفضلاتي لشهر فبراير♥♥♥♥♥♥My Favorites in February

السلام عليكم

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
اليوم راح احط مفضلاتي للشهر الي طاف وعلى طول استعملهم ومفضلين عندي

 

 

 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥


The Body Shop Shimmer Cubes Palette

 

باليت صغنوني
عباره عن مكعبات بارابع الوان
كلها شيمر
حبيته مره وخصوصا هالألوان
عيبه سعره غالي على حجمه
ب95 ريال تقريبا ولسه في ازدياد



Mac strobe cream hydratant lumineux

 

ستروب كريم من ماك
كثير بنات يسألون
ايش الفرق بينه
وبين الفكس بلس
الستروب كريم مرطب وينفع يكون بيس
قبل الفاونديشن وينفع تحطونه لحاله
يعطي نضاره للبشره
اما الفكس بلس بخاخ بعد المكياج
يثبت المكياج ويعطي نضاره
بالنسبه لي عجبني الستروب اكثر
سعره تقريبا ميه وشوي








SECRET CRAVING FRAGRANCE MIS


t

عطر جسم ريحته جميله من فكتوريا سيكرت

ريحته دافيه مثيره
مكونه من الكشمش الأسود والفانيليا
والبابونج المهديء
اخذته على وقت النخفيضات ب30 ريال
الحين ب60





Clinique Clarifying Lotion 2

تونر جميل من كلينك
بشرتي مختلطه نصها فيها حبوب ودهنيه
ونصها فيها قشور
بس جميل من جد
من حطيته اختفت القشور
والحبوب بدت تقل والبشره طلع منها
شي غريب صراحه انصدمت الي يشوف القطنه
بيقول هذي لها سنه ماغسلت وجهها خخخخ
بس انتعاش خورافي بعده
احرقني من عند منطقة المسام مدري ليه
هو موحرقان المؤلم عشان ماتخافون
يعني مثل الفيكس
لأن المنتج جميل ابيكم تجربونه راح
تنبسطون منه
سعره 125
تمنيت اخذ ال 3 ستيبس
بس قالولي ماعاد يجي منه




L´Oréal Paris Studio Line Silk&Gloss Hot Straight

 

سبراي للشعر
يحمي من الحراره
ويعطي لمعه جميله للشعر
وريحته تجنن
من صيدلية بوتس ب39 ريال



maybelline color sensational atomic pink 19

 

روج جميل مره ويناسب كل البشرات
كريمي ولونه واضح مره
السعر تقريبا 30 ريال

♥♥♥♥♥♥♥♥♥♥♥♥
اختصرت لأني مريضه
وتوني ماخذه مغذي امس
ادعولي بالشفاء

مشترياتي من كولكشن ماك ..riri holiday & magnetic nude

وااااي وش كثر ولهت على مدونتي صايره كويتيه اليوم ياحبي لهم الكويتيات
بس تصدقون احس مدونتي كنها بيتي في النت
مثل شعوري بغرفتي في البيت احس بفرحه لما ادخلها خخخخخخ
ماني عارفه اعبر عن شعوري لمدونتي حبيبتي
المهم

جتني رساله من ماك يوم الاربعاء انه نزل كولكشن ماك
قلت اوكي
يعني بس جلست الخميس ورحت اليوم الجمعه
والقى الكولكشن ناقص ليه كذا يابنات
بسمالله على طول
شكلكم من اول يوم تروحون تقشون خخخخخخخ
مدري من قاعده اكلم
ماعلينا
نزل كولكشنين عندهم وياسلام
عشان الواحد يطفر صدق
بس طبعا رحت لقيت اغلب الأشياء مقشوشه مشالله
المهم الكولكشن الأول اسمه ريري هوليدي

هذي صوره للمنتجات

طبعا لقيت الارواج ناقصه
مافي غير الاحمر والفوشي
الاحمر نفس روبي وو عندي
اخذت الفوشي
وهذي صوره لمشترياتي

 

 

طبعا اليمين ريري الكولكشن القديم بس قلت دام
جبنا طاري ريري نحطه خخخخخ

 

جميله نص  برونز ونص بلاشر حبيتها مره

 

اسمها

hibiscus kiss
satin

الثاني روج من الكولكشن الجديد

 

 

 

الروج فوشي بس من شفت خشتي طالعه عالصوره قلت يابنت اختاري هالصوره الغامقه
ههههههههههه

هنا سواتش له

اااه ياقهري شكل الللون الي عاليسار خطير بس مالقيته


اسم الروج الي شريته انا

pleasure Bomp
matte

احلا شي انه مات وانا اعشق الارواج المطفيه
سعره 112 ريال


نجي للكولكشن الي بعده
اخذت منهم اضائه جميله

 

لونها مقارب لسوفت اند جنتل بس هذي ملمسها انعم
اسمها

SUPERB

سعرها ب 155 ريال

وبس احس ماتفرجت عدل لأنه كان بيأذن المغرب
وبسرعه اشتريت
تندمت اني ماجربت البلاشرات
وروج باد جيرل كمان انقهرت مالقيته
يالله المهم طلعنا بشي من الكولكشن
وبس اتمنى تعجبكم المشتريات
 

❤ أسرار قهوتي العربيه ❤

اسرار قهوتي العربيه اضعها بين ايديكم


من الأشياء الي تعطي سمعه
للبنت قهوتها
خخخخخخ
والله جد سواء عند الرياجيل
او الحريم
اذا البنت اتقنت عمل القهوه
عزالله بيجها مدح لين تموت
يمكن بعد ماتموت الناس
تظل تتكلم عن قهوتها
بعيد الشر عنكم خخخخخخ
قهوتي انا الي يذوقها يتكيف
ولازم يتكلم عنها
سواء رجال اوحرمه
مو مدح بنفسي والله
المهم نبدء بصوره جميله حماسيه

 

 

 

 

بعدين المقادير:
قهوه مطحونه قهوتي اجيبها من (كيف الشيوخ)
هيل مطحون
حليب بوني وهذا هو السر الأول

زعفران الماجد

بهارات القصيم وهذي هي السر الثاني

الطريقه :
بقولها بالتفصيل لأن في بنات
مايعرفون اي شي
نغلي مويه
ونحط فنجان قهوه في البراد
وبعدن نصب عليه الماي المغلي
ونخليه يطبخ شوي
بعد كذا ناخذ ترمس القهوه او ثلاجة القهوه
مثل ماتسمونه ههههههه
نحط فيه نص فنجان هيل
وملعقه كبيره بهارات القصيم
واذا طبخت القهوه نصبها في الترمس
ونبقي شوي قهوه
يعني نص فنجان تقريبا
نحط فيها الزعفران وشوي حليب بوني
ونخليها شوي وبعدين نصبها في الترمس
وتعالو قولولي اذا مازارتكم نص الحاره
ههههههههه
وطبعا القهوه ماتكمل الا بالحلا
وهذي فرصه اني اقولكم على هالحلا


من (اآنــــي ودانــــي)

جميله جدا جدا

كل الأنواع الي بالعلبه لذيذه
هالمحل اعشقه بسبب الحنيني
حقهم لذيذ اقسم بالله ماذقت
مثل الحنيني حقهم
والحين جاني ادمان لهالشوكلاته والماكرون

انصحكم تجربونها
وبالعافيه على قلوبكم

مكياج Dior لربيع 2014

نزل الكولكشن الجديد لديور الخاص بربيع 2014
..............................................
وماشفت احد جاب طاريه
فحبيت اتكلم عنه

طبعا  من نسمع كلمة ربيع
نعرف على طول ان الوانه بتكون
مستوحاه  من الزهور

فراح احط صور الكولكشن
واحط بعدها ايش اشتريت منه

 

 

 

 

 

هنا الظلال معها بلاشر بالنص

وعلبتها انيقه مره

 

 

 

 

علب ظلال بخمس الوان جميله الوانها

 

 

 

القلوسات اعشقها

اول اثنين من اليسار شفافين

بلمعه ذهبي وبلمعه وردي

اسعارهم ب150 ريال

 

البلاشر شي خورافي اشكالهم
عجبني الي عاليسار اكثر

اسعارهم ب200 وشوي

 

المناكير وايش اقول عن المناكير

جميله الوان الباستيل

وبالنسبه لأول لون عاليسار شفاف بلمعه وردي

تقدرون تحطونه لحاله وممكن تحطونه فوق اي لون

 

انا اشتريت اللون الوردي

 

 

لأن هالدرجه موموجوده عندي

على كثر ماأشتري وردي

بس عجزت احصل هالدرجه

 

 

جميله جدا

سعره 128 ريال

وبس الكولكشن لازال موجود

فالي عجبها  شي تلحق.