جيت بمشتريات خفيفه

كيفكم
اليوم بحط مشتريات خفيفه
وراح اغيب بعد هالموضوع فتره
بسبب اختباراتي
وان شاء الله راجعه لكم بمواضيع حلوه
واقسام جديده للمدونه
واتمنى اشوف ارائكم عشان
اذا تعجبكم مواضيعي استمر
مع اني في بدايتي التدوينيه
يالله مع المشتريات

نبدء بأول منتج معانا
هو ماسك جوز الهند واللوز من بوتس

معلش طلعت الصوره مقلوبه مدري ليه خخخخخ
المهم هذا الماسك ينحط على الشعر وهو جاف وهذا احلى شي عجبني
مدته 10 دقايق واغسليه
طبعا النتايج الي لاحظتها
انه يعطي سمك للشعره
ينعم الشعر
ويهبط الشعر المتطاير
وغير كذا ريحته حلوه وهاديه
بصراحه ماتوقعت النتايج هذي
لان سعره رخيص ب17 ريال
بس من جد حبيته حبيته حبيته
وودي ارجع اشتري منه كرتون
طبعا ذكرت مكان الشراء بوتس boots


-------------------
نجي لثاني شي

فرشه من h&m
هنا القهر عاد لما شريتها بعدها بيوم نزلو لون ذهبي بابيض انقهرت حيل
المهم النتيجه مو مشكله
الفرشه هذي بجهتين جهه فرشه مشطوفه
وجهه فرشه تمويه الشدو
الفرشه المشطوفه احلى شي تستعملونها عالحواجب
ترسم الحواجب رسم خيال
وخصوصا اني ارسمها بالشدو المائي
حواجبي بعدها تطلع خورافه انصحكم فيها
والجهه الثانيه تموهون فيها الشدو
السعر تقريبا ب26 ريال
----------------

نجي لثالث شي

بلاشر

برضو من h&m

فيه 4الوان

مثل ماانتو شايفين

وردي

ومشمشي

ولون فاتح بلمعه

ولون لحمي

البلاشر تجي معه فرشه من تحت

طبعا اكثر شي جذبني له شكله

لما رجعت البيت

وجربته بالفرشه ابدا ماطلع معي لون

فانقهرت وبعدين قلت يالله الحمدلله سعره رخيص

بعدين رجعت فتحت العلبه تاني

واخذت بااصبعي مسحه من كل لون

ولما حطيته طلع لون حلو وهادي

هنا العلبه من ورا

سعره ب29 ريال

وان شاء الله تعجبكم

واشوفكم بعد الاختبارات

دعواتكم

bye

eyeshadow palette by h&m

اليوم حابه اسويلكم ريفيو عن باليت شدو من ماركة h&m
طبعا في بنت سالتني عنه وحبيت اكتب انطباعي عن هالباليت

بصراحه في البدايه اخذته كذا يعني مومتوقعه ان ماركه مختصه بالملابس
راح تبدع بالميك اب
وكمان سعره رخيص يعني السالفه الحمدلله صابت صابت
وان خابت السعر رخيص
اولا اتكلم عن هالباليت مبين من الوانه
انه خفيف وناعم ويستخدم في الطله النهاريه واليوميه
يعني الوانه ماتنفع ابدا للسهرات

هنا الالوان حبيت اوضحها على منديل لكن التصوير
مش ولابد

الي عجبني في هالباليت ان بعض الوانه فيها لمعه حلوه
مثل البيقمنت
شوفو معي هالصوره

وطبعا الوانه بصراحه واضحه وحلوه
شوفوه عن قرب

ومع برايمر العين راح توضح اكثر
لكن انا ماحب اثقل اللون
عن جد هالباليت روعه



لو تلاحظون اللونيين البنيات من السطر الاول من اليمين
هذولي اسوي فيهم قوس بين الجفن المتحرك والثابت عشان يعطيني عمق

اللون الذهبي الثالث احطه من العين من عند المدامع
الالوان الفاتحه البيضا والبيج واللؤلؤي احطه تحت الحاجب
يعني الوانه خرافيه
والاحلى سعره 49 ريال
اتمنى يعجبكم الريفيو
bye

the best Concealer**

اليوم راح اقولكم عن افضل كونسيلرز عندي
طبعا الكونسيلر من اساسيات الميك اب
وهو الي يوضح لك اذا المكياج نظيف ولالا
يعني يطلع البشره بشكل صافي ونظيف من
البقع والهالات والعيوب
طبعا كل ماركه وانتجت اكثر من كونسيلر
وكثير بنات يدورون كونسلير يغطي تغطيه بيرفكت
لكن عجزو يحصلون هالكونسيلر الي يخفيها لهم
وانا راح احكيلكم عن 4 انواع كونسيلر

وماراح تفكرون في غيرهم لو جربتوهم
وماعاد راح تخسرون في التجارب الي
مصيرها الرمي بالدرج بالاخير وخسارة فلوس
نبدء اول نوع :

Kryolan TV Paint Stick
هو ستيك قوامه ثقيل

Full coverage
له قدره عاليه على اخفاء العيوب
وانا استعمله ايضا لاخفاء شعر الحاجب
لان حواجبي خفيفه والحمدلله
هالكونسيلر من اروع الانواع الي جربتها
وخصوصا ان ماركة كريولان معروفه
باانها ذات تغطيه عاليه
وانا انصح باستعماله في المناسبات الكبيره
سعره 90 ريال
مكان الشراء مودون
الدرجه الي عندي

طيب نجي لثاني نوع:

Ultra Foundation
تغطيه ثقيله
Full coverage
كمان من ماركة كرويولان
وهو يجي 3 اقسام
واحد كونسيلر الي هو القسم الكبير
واحد كونتور لتحديد الوجه الي هو بني
والثالث اللون الفاتح للهايلايت
ينحط على الانف او على جونب الخدود
او تحت لحاجب
هذا الكونسيلر كمان روعه وملمسه حلو مره
 وكريمي
ولكن احذر الي تحت عيونها في خطوط وتجاعيد
ماراح يناسبها لان قوامه يساعد على ابراز
الخطوط والتجاعيد يمكن هذي معلومه اول مره تنقال
درجاته 5 درجات
سعره ب120 ريال
محلات الشراء مودون
الدرجه الي عندي

نجي لثالث نوع:

Max Factor Concealer
تغطيه متوسطه

medium

يجي اصبع مثل حجم الروج
هالكونسيلر انصدمت في نتيجته
مقارنة بسعره
واغلب الناس ماتقرب عنده
مدري هو احتقار له
او عدم معرفه
الكونسيلر هذا روعه
يغطي الهالات ومايبين انك حاطه شي ثقيل
ودرجاته تقريبا 5 درجات
والاحلى من كذا حجمه صغير تاخذينه معك بالشنطه
ماياخذ مساحه
ومو محتاج فرشه تمررينه على الهالات وتربيت بالاصبع
انصح البنات كلهم يجربونه
سعره 20 ريال
مكان الشراء سينسي
الدرجه الي عندي

رابع واخر نوع :

Garnier Concealer Roll On Light 


هو كونسيلر تينتد
يعني معالج
من اروع الانواع الخفيفه الي جربتها
عن جد يبرد على محيط العين
تحسين اخفى العيوب بس بدون لون
وتحسين محيط العين مشدود
يعني من جد مهما تكلمت مااوفيه حقه
مكتوب عليه
تفتيح فوري
وعنايه مرطبه ضد الهالات
وخافي عيوب
وتأثير مبرد على الفور
ويحمي العين من ضرر اشعه الشمس
وظهور التجاعيد والبقع الداكنه
يعني كونسيلر ومعالج وواقي
طبعا التغطيه خفيفه
تناسب الجامعه او المكياج الخفيف
او حتى وانتي جالسه بالبيت
وحابه يكون مظهر وجهك صحي بدون مكياج
حطي بس الكونسيلر والقلوس
يستحق التجربه
سعره 24 ريال
مكان الشراء بنده
الدرجه الي عندي

اخر شي الفرش:

لازم يكون عندنا وحده صغيره
للاماكن الي مثل عند مدامع العين
ووحده كبيره لتحت العين والاماكن الكبيره
عندي الصغيره من ريل تكنيك
الكبيره من مكياجي
وانتهينا
وقولو باي عيون الباندا
ههههههه
bye

تارت التفاح ..Apple Tart

اليوم راح احطلكم الذ واسهل تارت   تفاح راح تذوقونه
صور تشويقيه

المقادير:

1 ونص ك دقيق أبيض كويتي
1 ونص زبدهـ لينهـ بدرجة حرارة المطبخ
1 حبة بيضهـ
2 م ك سكر عادي غير مطحون
قليل من الماء المُثَلج

الطريقه:
نخلط الدقيق والسكر ... ثم نضيف البيضهـ وتحرك
... ثم نضيف مكعبات الزبده
وتضيفيون شوي مويه
وتحطونها في تغليف نايلون
وتخلونها ترتاح ربع ساعه

في هالوقت نحضر التفاح
نقطعه ونغسله
ونحط في مقلاه ربع اصبع زبده صغير
ونحط التفاح عليها ونقلبه
ونحط فنجانين قهوه سكر
ونقلبه
ونرش قرفه شوي
ويطلع عندنا لون التفاح ذهبي ومعاه شوي صوص
نخبز الفطيره في الفرن
وبعدين لما نشوفها ذارت ذهبيه
نطلعها ونرص عليها التفاح
ونصب عليها الصوص الي باقي
وبالثلاجه
وطلعوها وقطعوها مثلثات واستمتعو

bye

(ازالة شعر الجسم بكل سهوله )

اليوم راح نتكلم
عن ازالة شعر الجسم
من المعروف ان هذا
الشي يسبب عذاب للبنات
ويتعب نفسيتهم
في بنات عندهم مناطق
تسبب لهم ازمه وقت الازاله
فاليوم راح اعطيكم
طرق تخفف باأذن الله
اول شي نشوف الادوات

جبنا شرايح فيت الخضراء
وعندنا حلاوة شهرزاد

هذي احلا حلاوه جربتها
تنظف من قلب وماتعذبك
سعرها 10 ريال

اول شي شرايح فيت هذي
تساعدك في الاماكن
الي تحسين انها تؤلمك
او الي ماتقدرين تتحكمين فيها
او حتى لوكان وقتك ضيق
ومستعجله
هذي الشرايح راح تساعدك كثير
وطبعا مثل ماانتو شايفين
انا ماجربت الا اللون الاخضر
سعرها 26 ريال

فمااقدر احكم على الباقي
بس اللون الاخضر حلو ومناسب

طيب اول شي لازم تكون الادوات
كلها قدامك عشان ماتقومين
بوسط الازاله تروحين تدورين
طيب نبدء اولا بالشرايح
نزيل فيها المناطق الصعبه
او المناطق الي يجي فيها
الشعر غزير عشان يخفف علينا
الازاله بالحلاوه بعدها


كيف طريقتها هالشرايح؟

اول شي تفركينها بيدك
لين تحسينها احترت
وتفتحينها يطلع عندك شريحتين
تلصقينهم باتجاه نمو الشعر
يعني العلامه الي
على شكل نص دائره في الشريحه
تخلين اتجاهها مع نمو الشعر
وتخلينها شوي على الشعر وتفركينها
وبعدين تمسكين الطرف وتسحبين قوه
وحاولي تكوني شاده جلدك
طيب خلصنا من شرايح فيت
نجي ناخذ الحلاوه ونمر
على الشعر المتناثر
وقومي باازالته
طبعا ماراح يكون في الم
لانه صار خفيف وقليل بعد الشرايح
بس مجرد رتوش هالحلاوه
طبعا قبل لاانسى شرايح فيت
ابدا لاتستعملينهم على الاندر ارامز
مهما قريتي على العلبه
عن تجربه تطيحك في مشاكل
مع المناطق الحساسه

طيب انتهينا من شيل الشعر
عندكم حلين

(اولا )

شفتو الباكيتات الورديه
الي بالصوره فوق
هذي  مناديل جايه مع الشرايح
تمسحين فيها بعد الازاله
وراح تشيل بقايا الشمع
وراح ترطب لجلد


او(الحل التاني)

الي هو زيت الزيتون
تدهنين جسمك فيها
مسحات خفيفه
يرطب الجلد حيل وينعمه

وبعد هالطريقة ماراح تتعذبون ابدا
وبتصير الدنيا حلوه في عيونكم
هههههههه
عندي تنبيه لبعض البنات
الي يرتكبون خطأ بعد
ازالة الشعر
في بعضهم يحط كريمات معطره
وهذا موزين
وفي بعضهم يحط ديودرنت
وهذا ضرره كبيره جدا
يسبب بظهور اكياس تحت الجلد
فابتعدو عن اي شي
غير الزيت زيتون
وشوفو كيف تتحسن بشرتكم
ان شاء الله يكون عجبكم الموضوع
bye

مشتريات اليوم

اليوم رحت لمحل مكياج عادي
وانصدمت صراحه
اولا لقيت عند كل ماركات سنتر بوينت
غير كذا الاسعار تختلف
وفي كمان عندهم ماركات غير معروف بس تنافس
الماركات الهاي
شريت روجين وبلاشر وراح ارجعلهم
لان مااخذت راحتي
صوره جماعيه

روجين من ريفلون وبلاشر من كوين لاين

لون البلاشر من قريب

واو بصراحه روعه

اللون قوي ومن مسحه يبين

روجين ريفلون احمرقوي وكريمي

 وبينك مات

اسمائهم وارقامهم واضحه

اسعارهم الارواج ب35 ريال

البلاشر 20 ريال

ان شاء الله تعجبكم

والنتظروني في مشتريات جديده

bye

كليرز & سنتربوينت

اليوم لقيت عند كليرز عروض حلوه
تخفيض +تاخذين قطعه مجانا
ولاني مستعجله ماتفرجت زين
بس واضح في شغلات حلوه

حلقين واسواره
الحلق ب30 ريال
والاسواره مجانا

لااحد يضحك علي لاني احب هيلوكيتي مره خخخخ
وهنا الاسواره

انتهينا من كليرز نروح لسنتر بوينت

روج من ريميل كيت موس41 ريال

وقلوس من ريفلون ريال41

القلوس دخت عليه لونه نيود
اما الروج ماعجبني ابدا حتى لونه موواضح
وانتظرونا في مشتريات جديده
bye

حلى الشوفان

اليوم ان شاء الله
بكتب لكم طريقة حلا
انا اعشقه
لاتسغربون المكونات
لكن الطعم خيال
والحلا سهل جدا
ومايحتاج فرن وتعب

شوفو معي صورته

نجي للمقادير :

1 كوب شوفان كويكر
نص كوب جوز هند
نص كوب حليب بودره
نص كوب سكر
ملعقه نسكافيه
زبده ذايبه

مقادير الكريمه الي عالوجه :
1قشطه
نص كوب سكر مطحون
ملعقة كاكاو بودره
هذي صورته هو كاكاو مر

الطريقه:

نحط مقلاه عالنار
ونحمس الشوفان لين يصي ذهبي
وبعدين نحمس الجوز هند بس مانطول
ونطفي النار على طول
نبد نحط الحليب ونقلب
مع حرارة المقلاه بتحسونه تغير لونه شوي
ونحط السكر والنسكافيه
ونقلبهم
خلاص
نجيب زبديه غويطه
ونحط الي سويناه فيها
ونحط عليهم الزبده
ونقلب
ونرش شوية مويه ونقلب
الين يمتزجون
بس لاتكثرو المويه
لانها ماراح تصير متماسكه
بعدين نحطها في صينية بايركس
ونخلط مقادير الكريمه ونصبها عليها
وندخلها الثلاجه
واذا بردت قطعوها
على حسب ذوقكم
وبالاخير رشي عليها هيرشي شوكلاته

وبالعافيه

bay
 

My Style

حبيت احط لكم تنسيق
لكن ليس للتطبيق
ولكن لاخذ افكار من
هالتنسيق
لان هاللبس ماينلبس برا
البيت احتراما لديننا ولتقالدينا

خلينا نتكلم عن الموضه شوي

مثل مانتو عارفين
ان الفتره الاخيره
الموضه اصبحت تطالب
بعدم التطقيم
خخخخخخخخخخخ
طبعا زمان كنا نطقم كل شي نفس اللون
الروج المناكير الشوز والباق
وكان هذ شي سهل
جيب كل شي نفس اللون وانتهينا
الحين لا
الموضه تحتم علينا اننا مانطقم
ولكن مو معناتها انك تجيبي من الشرق والغرب
وتقولي موضه لا
لازم يكون في تناسق
بين الالوان
بين الاقمشه
بين القطع
بس طبعا

لازم يكون لكل بنت
اسلوبها الخاص في التنسيق

بحطلكم صوره لتنسيق  لي

خلونا نتكلم عن الالوان
هنا الصوره
جمعت بين الابيض والجينز الازرق والاحمر والتايقر
والالوان هذي تتناسب مع بعضها بشكل ماتتصورونه

خلونا نتكلم عن الاقمشه
هنا عندنا البلوزه شيفون
والتنوره جينز
والشيفون معروف انه خورافي مع الجينز
والحزام جلد
الهليز على شمواه

السكارف والحزام اضافو لون حلو عالتنسيق وابرزوه

الهيلز التايقر  واه من التايقر اعشقه
ولازم كل بنت يكون عندها هيلز تايقر
وهيلز نيود
لانهم كثير نحتاجهم بتنسيقاتنا

يعني شوفو اضافات بسيطه ابرزت التنسيق وخلته حلو
ومااحتجنا للتطقيم وبتكونو عالموضه

انتهى موضوعي
وان شاء الله تكونو استفدتو
bye