وردات البف بستري باللحم المفروم

من اسهل الاكلات الي ممكن تبيض وجهك عند ضيوفك
طبعا موطبق رئيسي لا
طبعا راح احط صوره اول

بعد الصور نجي للطريقه

جيبي مربعات بف بستري وطليها من الفريزر
الين تفك من بعضها في هالوقت
جيبي لحم مفروم  حطيه في المقلاه بدون زيت نهائي
وابشري عليه بصل
ورشة فلفل اسود
واحد مرقة الدجاج ماجي
وقلبي الين يستوي ماراح ياخذ وقت ابدا
وطريقة اللحم المفروم هذي تطلع بنكهه خيال جربوها
خلصنا من اللحم الحين نرجع للبف
نلاقيه فك نطلع المربعات ونحطها في صينيه الكوب كيك وتتشكل علا نفس القالب
ونحط في كل مربع شويه لحم
وندخلها الفرن على حرارة 210
تقريبا ربع ساعه وهي جاهزه
وبالعافيه
ان شاء الله تكون عجبتكم
bye

مجموعة اساسيات من غارنييه

اليوم راح اتكلم عن مجموعة غارنييه الي هي لونها اخضر
لان في لون ثاني بينك طبعا للبشره الجافه
اما المجموعه الخضراء للبشره المختلطه والعاديه
طبعا شريت الخضرا لان بشرتي مختلطه

طبعا المجموعه تتكون من :
1 حليب مزيل مكياج
2 تونيك تنشيط البشره
3 كريم مرطب للحمايه

انا اخذت الحليب المنظف والكريم المرطب
نجي نتكلم عن الحليب المنظف

مدري ليه الصوره طلعت مقلوبه
المهم
طبعا يتميز الحليب المنظف انه يزيل المكياج
ويرطب الوجه وريحته حلوه مره وتحسسك بالانتعاش
ومناسب طبعا للعيون والوجه كاملا
والاحلى انه مايترك اثر دهني عالبشره
فحلو اننا نلقى منتج كذا وسعره رخيص
تقريبا 22 ريال
------------
نجي الحين للكريم المرطب

هذا الكرتون حقه
ملاحظين انه مكتوب عليه مستخلصص البلسكاء
مزيل اللمعان
طبعا من عيوب البشره المختلطه والدهنيه اللمعان الزايد
فهذا المرطب يخفف من هالمشكله
طبعا مايزيلها نهائي لكن يخفف
الحلو انك مكن تستعملينه الصباح او الليل

طبعا مكتوب عليه من ورا انه تقدرين تستعملينه بالليل او النهار

طيب كيف تستعملينه

تغسلين البشره بالغسول الخاص فيك

وبعدين تحطين نقط من هالكريم عالوجه

وترى الحلو فيه ان اربع نقط عالوجه كافيه لتغطية الوجه بالكامل

وهذي ميزه فيه انه راح يطول عندك

المهم

تدلكين ابتداء من العنق حتى الجبين

يعني التدليك من تحت لفوق

لان التدليك على تحت يسبب ترهل الوجه

الاحلى من هذا كله

انه لوحطيتيه قبل المكياج يسبب طبقه عازله

بين الوجه والمكياج

غير نعومة الوجه الي ماراح تخلي الفاونيشين يطلع مقشر

وطبعا الاستدام بالليل قبل النوم راح يفيدك انه يجدد خلايا البشره

مايترك اي اثر دهني عالبشره

تتشربه البشره بسرعه

وتحسون بانتعاش وتألق للوجه

والريحه ايش اقول

ريحته خيااااال

القوام حسيته يميل للجل اكثر من انه كريم

يعني عن جد انصح كل البنات يجربونه لانه اكثر من رائع
وغارنييه كل يوم تنتج اشياء حلوه والاحلى الاسعار الي بمقدور الكل انهم يشترونه
طبعا سعره تقريبا 23 ريال
المنتجين متواجدين في كل مكان
التميمي الصيدليات يعني متوفره للكل
وبس اتمنى تكونو استفدتو واستمتعتو
bye